पुणे दिनांक २३ मे (पोलखोलनामा ऑनलाइन न्यूज टीम) अहमदनगर जिल्ह्यातील अकोले तालुक्यातून मोठी अपडेट आताच हाती आली असून येथील प्रवरा नदीमध्ये एसडीआर‌एफच्या जवानांची ⛵ बोट उलटून झालेल्या दुर्घटनेत पाच जवान बुडाले असून यात तीन जवानांचा मृत्यू झाला आहे.तर अन्य दोन जवानांचा शोध स्थानिक नागरिकांच्या मदतीने घेतला जात आहे.
दरम्यान या घटने बाबत सूत्रांकडून मिळालेल्या माहिती नुसार काल बुधवारी प्रवरा नदीत दोन युवक बुडाले होते.यासाठी एसडीआर‌एफची टीम येथे बचावकार्या साठी आली होती.त्यांनी तातडीने या नदीत बचाव कार्य हाती घेतले व बुडालेल्या दोन युवकापैकी एकाचा मृतदेह सापडला तर दुस-या युवकाचा शोध घेत असतानाच एसडीआर‌एफची बोट नदीत उलटून शोध घेणा-या जवानांचा बोट नदीच्या पात्रात बुडाली या दुर्घटनेत पाच जवान बुडाले यात तिंघाचा मृत्यू झाला आहे तर अन्य दोन जवानांचा शोध आता सुरू आहे.ही घटना अहमदनगर जिल्ह्यातील अकोले तालुक्यातील सुगावा जवळ जवळ घडली आहे.दरम्यान या दुर्घटने बाबत माहिती मिळताच प्रांताधिकारी शैलेश कुमार हिंगे व काॅग्रेस पक्षाचे माजी महसूल मंत्री व आमदार बाळासाहेब थोरात हे तातडीने घटनास्थळी दाखल झाले आहेत.
