पुणे दिनांक २५ जुलै (पोलखोलनामा ऑनलाइन न्यूज टीम) पुण्यात पहाटे पासून सुरू असलेल्या मुसळधार पावसाने पुणे शहराला मोठ्या प्रमाणावर फटका बसला आहे.पुणे शहरात अनेक भागातील घरात व सोसायट्या मध्ये पाणी शिरले.त्यामुळे अनेक रस्त्यांना नदीचे स्वरूप प्राप्त झाले.व पुरजन्य परिस्थिती निर्माण झाली होती.आता पुन्हा एकदा खडकवासला धरणा मधून मोठ्या प्रमाणावर पाण्याचा विसर्ग हा मुठा नदीच्या पात्रात सोडले जात आहे.त्यामुळे पुन्हा एकदा सिंहगड रोड वरील एकता नगर भागात पाणी शिरायला सुरुवात झाली आहे.काही वेळापूर्वीच उपमुख्यमंत्री तथा पुण्याचे पालकमंत्री अजित पवार यांनी या भागात जाऊन पूरस्थितीची पाहाणी केली होती.दरम्यान धरणक्षेत्रात मुसाळधार पाऊस कोसळत आहे.तसेच याठिकाणी NDRF ची टीम घटनास्थळी दाखल करण्यात आली आहे.
