पुणे दिनांक १९ सप्टेंबर (पोलखोलनामा ऑनलाइन न्यूज टीम) आताच हाती आलेल्या अपडेट नुसार आज गुरुवारी दिनांक १९ सप्टेंबर रोजी काॅग्रेस पक्षाच्या वतीने राज्यभर आंदोलन करण्यात येणार आहे. काँग्रेस पक्षाचे खासदार व केंद्र सरकार मधील विरोधी पक्षनेते राहुल गांधी यांच्या विरोधात महायुती सरकार मधील शिंदे गटाचे शिवसेनाचे आमदार संजय गायकवाड यांनी व भारतीय जनता पक्षाचे खासदार अनिल बोंडे यांनी आक्षेपार्ह विधान केल्या प्रकरणी काॅग्रेस पक्षाच्या वतीने निषेध नोंदवला जाणार आहे. दरम्यान आज काॅग्रेस पक्षाचे प्रदेशाध्यक्ष नाना पटोले व काॅग्रेस पक्षाचे विधानसभा विरोधी पक्षनेते विजय वडेट्टीवार तसेच पक्षाचे आमदार खासदार तसेच नगरसेवक व पदाधिकारी आज राज्यात ठिकठिकाणी आंदोलन करणार असल्याची माहिती काॅग्रेस पक्षाच्या वतीने देण्यात आली आहे.
