पुणे दिनांक ४ ऑक्टोबर (पोलखोलनामा ऑनलाइन न्यूज टीम) महायुतील शिवसेना शिंदे गटाचे आमदार व जलसंधारण मंत्री संजय राठोड यांच्या कारचा अपघात झाला आहे.मात्र सुदैवाने या अपघातात राठोड हे वाचले आहेत.दरम्यान या अपघाताबाबत सूत्रांकडून मिळालेल्या माहितीनुसार आज पहाटेच्या सुमारास मध्यरात्री दोन वाजता हा अपघात झाला आहे.यवतमाळच्या कोपरा गावात त्यांच्या कारने मिनी अशोक लेलॅंड या टेम्पोला पाठीमागच्या बाजूने जोरात धडक दिल्याने झालेल्या अपघातामुळे टेम्पोचा चालक हा गंभीर रित्या जखमी झाला आहे.यानंतर जखमी टेम्पो चालकाला यवतमाळ येथील एका रुग्णालयात उपचारासाठी दाखल करण्यात आले आहे.दरम्यान या अपघातात मंत्री राठोड यांच्या कारचा मात्र चक्काचूर झाला आहे.
