पुणे दिनांक १८ ऑक्टोबर (पोलखोलनामा ऑनलाइन न्यूज टीम) आताच एक खळबळजनक अपडेट मुंबई वरुन येत आहे.कल्याण रेल्वे स्टेशन जवळ टिटवाळा कडे जाणा-या रेल्वे लोकलचा डबा रेल्वे ट्रॅकवरुन घसरला आहे.सदर घटना रात्रीच्या वेळी ९ वाजण्याच्या सुमारास घडली आहे.दरम्यान रेल्वेच्या सूत्रांकडून मिळालेल्या माहिती नुसार.सदर घटनेनंतर कोणत्याही प्रकारची जीवीत हानी झालेली नाही.लोकल मधून प्रवास करणारे सर्व प्रवासी हे सुखरूप आहेत.दरम्यान या अपघातानंतर या मार्गा वरील रेल्वे वाहतूक व्यवस्था कोलमडली आहे.तर या मार्गावरील ट्रेन अन्य मार्गाने वळविण्यात आले आहे. दरम्यान रेल्वेच्या अपघातानंतर दुर्घटनाग्रस्त रेल्वेचा डब्बा रेल्वे ट्रॅकवरुन काढण्याचे काम रेल्वे प्रशासना कडून सुरू आहे.दरम्यान या मार्गावरील वाहतूक व्यवस्था लवकरच सुरळीत होईल असे रेल्वेच्या प्रशासनाकडून सांगण्यात आले आहे.
