पुणे दिनांक ३१ ऑक्टोबर (पोलखोलनामा ऑनलाइन न्यूज टीम) आताच खळबळजनक अपडेट हाती आली असून पुण्यातील इंडिगो कारने समृद्धी महामार्गावर ट्रकला पाठीमागून जोरात धडक दिल्याने झालेल्या अपघातात इंडिगो कारमधील तीन जणांचा मृत्यू झाला आहे.तर अन्य दोन जण गंभीर रित्या जखमी असून त्यांना उपचारासाठी रुग्णालयात दाखल करण्यात आले आहे.मृतांमध्ये पत्नी पती व एका मुलाचा समावेश आहे.
दरम्यान या अपघाताबाबत पोलिस सूत्रांकडून मिळालेल्या माहिती नुसार.बुलढाणा जिल्ह्यात समृद्धी महामार्गावर ट्रकला पाठीमागून भरघाव वेगाने जाणाऱ्या इंडिगो कारने धडक दिल्याने हा अपघात झाला आहे.यात कार मधील पुण्यातील तीन जणांचा मृत्यू झाला आहे.१) राजेश दाभाडे.२) शुभांगी दाभाडे ३) रिहाश दाभाडे सर्व राहणार पुणे अशी नावे आहेत. पुण्यातील दाभाडे कुटुंब हे इंडिगो कारने अमरावती च्या दिशेने जात असताना समृध्दी महामार्गावर सिंदखेडराजा तालुक्यातील पिंपळखुटा भागात हा अपघात झाला आहे.यात तीन जणांचा घटनास्थळीच मृत्यू झाला आहे तर अन्य दोन जण गंभीर रित्या जखमी झाले आहेत.त्यांना उपचारासाठी रुग्णालयात दाखल करण्यात आले आहे.दरम्यान सदर अपघात प्रकरणी सिंदखेडराजा तालुका पोलिस स्टेशन मध्ये अपघात प्रकरणी नोंद करण्यात आली आहे.याबाबत पुढील तपास पोलिस करीत आहेत.
