पुणे दिनांक १२ नोव्हेंबर (पोलखोलनामा ऑनलाइन न्यूज टीम) आताच हाती पुण्यातून एक खळबळजनक अपडेट हाती आली असून.पंतप्रधान नरेंद्र मोदी यांची जाहीर सभा ही पुण्यातील टिळक रोडवरील एस पी काॅलेजच्या मैदानावर आज सायंकाळी पुण्यातील विधानसभा निवडणुकीसाठी उभे असलेल्या महायुती च्या उमेदवारांसाठी जाहीर सभा होती.दरम्यान आज च्या पुण्यातील सभेत मराठा समाजाच्या आरक्षणाच्या मुद्द्यावरून घोषणाबाजी करण्यात आली.यावेळी एका युवकाने सभेतील व्हीआयपी रांगेत एक मराठा लाख मराठा अशा घोषणा दिल्या.तसेच मराठा आरक्षण मिळालेच पाहिजे.अशी मागणी केली.यामुळे सभेत काही वेळ गोंधळ निर्माण झाला.यावेळी पोलिस आणि सुरक्षा रक्षक यांनी संबंधित युवकाला सभास्थळा वरुन बाजूला नेले.दरम्यान पुण्यातील सभेपूर्वी पंतप्रधान नरेंद्र मोदी यांची आज चिमूर आणि सोलापूर मध्ये सभा पार पडली.
