पुण्यात दिवाळी सणाच्या कालावधीत भंयकर प्रकार, भरदिवसा बाईकवर बंदूक नाचवत तरुणांचा राडा कायदा सुव्यवस्थेचे निघाले धिंडवडे

पुणे दिनांक १ नोव्हेंबर (पोलखोलनामा ऑनलाइन न्यूज टीम) शिक्षणाच्या माहेरघरात पुण्यात मागील काही दिवसांपासून कायदा सुव्यवस्थेचा प्रश्न गंभीर बनला आहे.कधी कोयता गॅंगची दहशत तर आता चक्क बाईकवर बसून हवेत बंदूक घेऊन दहशत निर्माण करण्यापर्यंत या गुंडांची मजल गेली आहे.या अशा गोष्टी मुळे सध्या पुण्यात दिवाळी सणांमध्ये नागरिकांमध्ये भीतीचे वातावरण निर्माण झाले आहे. पुण्यात वडगाव ब्रिज ते वारजे ब्रिजप्रर्यत दुचाकी वरुन हातात पिस्तूल नाचवत दोन युवकांनी दहशत माजवण्याचा प्रकार केला आहे.सदरचे युवक बाईक चालवत हातात बंदूक घेऊन अन्य वाहनचालकांना धमकावत होते.दरम्यान या प्रकरणामुळे ऐन दिवाळी सणाच्या कालावधीत पुणे शहरात भीतीचे वातावरण निर्माण झाले आहे.दरम्यान हा प्रकार करणारे युवक अद्याप बेपत्ता आहेत.पुणे पोलिस त्यांचा शोध घेत आहेत.या युवकांचा व्हिडिओ सोशल मीडियावर मोठ्या प्रमाणावर व्हायरल होत आहे. दरम्यान पुण्यातील कायदा सुव्यवस्थेचा प्रश्न गंभीर होत चालला आहे.गुन्हेगारांवर पोलिसांचा वचक राहिलेला नाही.हे अशा गोष्टी नंतर एकंदरीत सिध्द होत आहे.