पुणे दिनांक ४ में ( पोलखोलनामा ऑनलाइन न्यूज टीम) कोल्हापूर येथील कळंबा कारागृहात मोबाईल फोन सापडण्यांचे कालचक्र सुरूच आहे. दरम्यान जेल प्रशासनाच्या वतीने कळंबा कारागृहात मोहीम राबविण्यात आली.या मोहिमेत पुन्हा एकदा १० मोबाईल फोन सापडले आहेत.त्यामुळे वारंवार प्रशासनाच्या वतीने मोहिम राब‌ऊन देखील पुन्हा एकदा दहा मोबाईल सापडल्याने आता जेल प्रशासनावर देखील अनेक स्तरांवरुन सवाल उपस्थित केले जात आहे.दरम्यान कोल्हापूर कळंबा जेलचे कारागृह अधीक्षक विवेक झेंडे यांनी जेलमध्ये शोधमोहीम हाती घेतली होती.मागील काही दिवसांपूर्वी देखील चक्क कारागृहात ७५ मोबाईल फोन आढळून आले होते.आता परत जेलमध्ये शोधमोहीम घेतली असता १० मोबाईल फोन सापडले आहेत.कारागृहात बंदिस्त असलेल्या कैद्याकडे कडक सुरक्षा व्यवस्था असून देखील हे मोबाईल फोन कसे पोहोचतात असा मोठा सवाल उपस्थित केला जात आहे.दरम्यान कारागृह प्रशासन पुन्हा अॅक्शन मोडवर आले आहे.
