पुणे दिनांक २८ मे ( पोलखोलनामा ऑनलाइन न्यूज टीम) पुणे ते नगर रोडवर चंदननगर रोडवर सिग्नलला थांबलेल्या दुचाकीला भरघाव वेगाने येणाऱ्या ट्रकने चिराडले .या अपघातात दोन काॅलेजच्या युवकांचा दुर्दैवी असा मृत्यू झाला आहे.सदरची घटना ही रात्री साडेदहा वाजण्याच्या सुमारास घडली आहे.यात एक जण जखमी झाला आहे.हे विद्यार्थी लातूर जिल्ह्यातील असून ते शिक्षणासाठी पुण्यात आले होते.ते वाघोली परिसरात राहत होते.
दरम्यान सदर घटनेची माहिती पोलिस सूत्रांनी दिली की मालवाहतूक करणारा ट्रक वाघोलीच्या दिशेने पुण्याकडे येत होता.अपघाता नंतर ट्रक चालक श्याम बांबू गौतम याला ताब्यात घेतले आहे.ट्रकने दुचाकीला पाठीमागून जोरात धडक दिल्याने दुचाकी वरील तीन जणांना फरफटत नेले यात दोन जणांचा मृत्यू झाला आहे.तर एकजण जखमी झाला आहे.या अपघात प्रकरणी पुढील तपास पोलिस करीत आहेत.